قالـــت .....تفتـــــــرق

الفكره اصلا فكرتا 

هي القالت احسن نفترق

هسي الزمن لفه ورجع

والليله بان ليها الفرق

قايلاني  غيرا ولا بعيش 

و من دونا اهلك و اندثر

او فاكره يوم ترحل تفوت

بجري ليها ابكي وانكسر

الحب دا ما لعبه ورق

ما فيهو زولا بنتصر

والريدة ماها مكايدا

والبخسر الناس هو الخسر 

يا دابه عرفت غلطتا 

يا دابه حست  بالندم 

لكن بعد فات الاوان 

و الكنت بانيهو اتهدم 

هي القررت فجأه الرحيل

يوم شافت الريد احتضن

اسبابا كانت واهية جد 

و اعذارا كلها من عدم 

القلوب يوم تهوى صادقه 

الغرام في الناس بعيش

اصلو ما بحتاج ضمانه 

ولا بنعمل شانو فيش

إلا هسي الحال تبدل 

الشفنا اول شفنا طيش

في البحب من جوة قلبو 

و في البطير يوم يلقى ريش



التعليقات

التعليقات تحتاج لموافقة صاحب المدونة لنشرها.


استضافة مجانية من موقع مدونات عبر ! | الموقع غير مسؤول عن محتويات المدونة، فقط صاحب المدونة يتحمل كامل المسؤولية عن مضامينها | التبليغ عن مخالفة- Report copyright abuse | سياسة الخصوصية |نسخة الموبايل